صراحة دة موضوع شغلني من فترة في مسألة البرمجة الشيئية ( عارف ان كل الناس ما بتحبهاش بالعربي بس لو عملتها بالانجليزي الكلام هايبدأ من الاخر ) ،، المهم شوفوا الكود دة

class Parent {
	public void m1(){}
	public void m2(){}
	public void m3(){}
	public void m4(){}
	public void m5(){}
}

class Child1 extends Parent{
	public void m6(){}
	public void m7(){}
	public void m8(){}
	public void m9(){}
	public void m10(){}
}

class Child2 extends Child1{
	public void m11(){}
	public void m12(){}
	public void m13(){}
	public void m14(){}
	public void m15(){}
}
.......
class Child5 extends Child4{
	public void m21(){}
	public void m22(){}
	public void m23(){}
	public void m24(){}
	public void m25(){}
}

public class Test{
	public static void main(String[] args){
		Child5 test = new Child5();
	}
}
 

دلوقتي بقا الكلاس الوحيد اللي علمت منه انستنس هو الخامس اللي هو المفروض يكون فيه 25 ميثود ،، برغم اني اكيد مش هاستخدم الـ25 دول ،، طب لية انا ورثت كل دول و حطيتهم في الميموري على الفاضي ؟

الأسئلة دلوقتي اللي هاتحسم الموضوع هي كالتالي :-

1. هل الميثودس دي اصلا بتشغل مكان في الميموري ؟
2. هل في فعلا امثلة على كلاسات بتضطر تصممها بالشكل دة لاغراض تنظيمية ؟

عموما انا عملت حاجة بالبي اتش بي في دماغي انها ممكن تكون حل و لو بدائي للمشكلة دي لو كانت مشكلة اصلا و تصوري كان صح !

على فكرة انا سألت ناس في الموضوع دة بس للأسف ما كانش متاح قدامي الوقتي الكافي عشان اتكلم و كان كلام مش مكتوب و واضح ،، منتظر تعليقات و حلول باذن الله و بارك الله فيكم

النهاردة انا حابب اكتب عن قصة انتمائنا كمصريين مسلمين او مسلمين مصريين لاجدادنا الفراعنة او لاجدادنا العرب ..في الحقيقة صياغة السؤال نفسها تحير ..

اللي انا عاوز اقوله .. هل حرام اني ابقى مسلم فرعوني ؟ هل الاسلام دين عالمي بيقبل كل الناس و لا دين عربي ؟ اية المانع اني ابطل اتكلم عربي و ارجع اتكلم هيروغليفي و برضة اصلي و أصوم و احج ؟؟

صراحة انا من ايام الجزاير و انا بافكر في جدوى انتمائنا للعرب .. لية بننتمي للامة العربية ؟ و لية في أمة عربية اصلا ؟؟ مش المفروض تكون في هوية اسلامية واحدة بس ؟؟ تشمل المصريين بهروغليفيتهم و العرب بالعربية و الايرانيين بفارسيتهم و غيرهم بلغاتهم عادي ؟؟

انا مش بادعو ابدا لمعاداة العرب .. و لكن الموضوع مجرد توضيح للأصول .. بالقطع احنا فراعنة و بننتمي للفراعنة نسبا و اذا كانت في مصر بعض القبائل العربية فبرضة في عائلات تركية و مملوكية و يونانية و اجناس كتير تانية .. انما انا كمصري جدي هو الفرعوني اللي بنى الاهرام مش العربي ابدا .. مع احترامي للعرب و التاريخ العربي و اجلالي له بكل تأكيد ..

انا باسأل .. لية ما نكونش كمسلمين منفتحين اكتر من كدا ؟؟ لية كمصريين ما نكونش منفتحين اكتر من كدا .. مافيش اي مشكلة ان الدولة الاسلامية ( العالم الاسلامي ) يقبل كل واحد بلغته وثقافته و ان مصر تقبل كل مواطنيها باديانهم و لغاتهم و ثقافتهم لان كلهم مصريين و بيجمعهم حب مصر .. اية المانع لو درسنا اللغة النوبية في مدارس النوبة ؟؟ هل دي تمثل خطر على الامن القومي ؟؟ بالعكس دي هاتزود انتماء النوبين للدولة اللي بتحترم ثقافتهم و تزود حبهم للبلد ..

اخر حاجة احب استشهد بيها هي تجربة حكاها الحاج أشرف السعد عن واحد يعرفه هاجر من مصر بسبب انتماؤه الاسلامي السلفي و راح بريطانيا عاش هناك كمسلم زي ما كان عايش في مصر و قال للسعد في يوم .. و الله لو بريطانيا اتعرضت لهجوم بكرة الصبح لاستشهد دفاعا عنها .. من العدل اللي شافه و احترامه هناك رغم انه اسلامي و لحيته لحد صدره .. لم يحترم في بلد الازهر و احترم في بلد الفجور فيها في الشوارع و حب البلد دي و يمكن يكون حبها اكتر من مصر كمان !!

و صدقت المقولة اللي قالت العدل اساس الملك

انا النهار دة قريت مقال لصحفي عن موضوع ارضاع الكبير اللي اثير منذ فترة و حسيت باستهزاء منه بالمشايخ و كلام من قبيل الكلام اللي كان الاوروبيين بيقولوه عن كنيستهم و قريت رد جمييييل جدا بيوضح الموضوع كله و فهمته الحمد لله كويس و حبيت انقله ليكم هنا

كلنا سمعنا عن الفتوي اللي اباح فيها الشيخ العبيكان رضاعة المرأة المسلمة للرجل الاجنبي ( الغريب عنها ) بغرض انه ما يبقاش في حرمانية من قعادهم مع بعض في خلوة زي في الشغل مثلا او كدا ..

طبعا الدنيا اتقلبت و الناس ضربت كف علي كف و انا واحد منهم و طلع علينا بعض الناس من الشيعة و النصاري و حتى الملحدين يقولوا انتم دين كذا و كذا دلوقتي بقا هانرد عليهم

الحكاية بتبدأ بان الناس في ايام الاسلام الاولى كانت بتتبني اطفال مش اولادهم و بتكتبهم باسمهم و بتدي لهم ميراث يعني مثلا انا اروح اتبنى يتيم اسمه محمد مثلا و اسميه محمد ادهم و اعامله على انه ابني و ادي له ميراث و كدا ..
فيما بعد نزلت ايات تحرم موضوع التبني دة لان اليتيم دة ممكن في يوم من الايام يتجوز عمته مثلا لان نسبه ضاع لاني كتبت اسمه على اسمي
لما نزلت الايات دي من عند ربنا امتنع الناس عن هذه العادة الا ان كان في بيت من بيوت المسلمين متبني شخص اسمه سالم و دة كان طفل و عاش في البيت دة و كبر و بعد كدة نزلت الايات دي فاصبح وجوده في البيت دة يسبب حرج للعائلة لانه لم يعد ابنا لهم !!
راحت العائلة دي للنبي عليه الصلاة و السلام و قالت له احنا كنا متبنيين ولد و دلوقتي هانعمل اية معاه و هو مالوش حد غيرنا ؟؟ قال للمرأة انتي ارضعتيه و هو صغير ؟؟ قالت له لا
( لاحظ انها لو ارضعته و هو طفل كانت هاتبقى محرمة عليه زي امه و تبقى هي زي امه بالظبط و هو زي ابنها بالظبط يعني كدا المشكلة انتهت )
و كانت دي الحالة الوحيدة بين كل المسلمين اللي موجودة .. و لاننا ما ينفعش نطبق القوانين باثر راجعي زي قوانيينا في مصر !!
الرسول صلى الله عليه و سلم قال لها ارضعيه دلوقتي و هايبقى ابنك من الرضاعة .. و لكن الطريقة بقا ازاي ؟؟

طريقة الرضاعة دي مش مباشرة كدا و هبل زي ما احنا متخيلين .. لا طبعااااااا !!
لبن الام بيتحط في حاجة ( اناء مثلا ) و بعدين الاخ سالم دة شربه

طيب هل الكلام دة ينفع نعمله بقا عشان نتبنى الاطفال ؟؟
لا طبعا .. خلاص الموضوع دة اتعمل مرة واحدة لان الحكم نزل بعد سالم دة ما كانوا اتبنوه و بقى واحد منهم و انتهت القصة بقا ما ينفعش تتعمل تاني .. لانها كانت مجرد استثناء عشان الحكم نزل بعد التبني

بس يا رجالة
و ان شاء الله انا عاوز اكتب برضة عن شبهة العبيد و الجواري و الكلام دة
لان بجد و الله انا اكتشفت عظمة الاسلام من كلام الناس اللي فاهمة عنه .. ديننا يا جماعة فعلا عظيم و رحيم و مافيش فيه حاجة نخاف نتكلم عنها و لا فيه اسرار .. اي شبهة يطرحها اي حد و تيجي تدور وراها و تتقصي تلاقي بالعكس خاااالص

حقيقة انا مش عامل البوست دي عشان اعرف قد اية انا باعرف اتفلسف و اقول كلام كبير .. انما عشان اتكلم عن حاجة انا حاسس انها متكبرة و الي حد ما مزيفة .. الحاجة دي و ياللغرابة هي كل حاجة احنا بنعملها …

كمان البوست دي بتشرح فكرتي بمثال عن الحب – اللي مش هو موضوع البوست علي فكرة – و لكن لقيته مناسب جدا

استوقفني كلام البرت اينشتاين عن نسبيته حينما قال

• بين الماضي والحاضر والمستقبل ليس هناك سوى وهم في تفكير العقل البشري..إذا لاحظتم أن – الأوقات الحزينة نشعر بها انها طويلة بينما الايام الفرحة تمر كالدقيقة- وهذه هي النسبية.

الكلام دة صادف اتجاه كنت بافكر فيه و هو هل مشاعرنا اللي في الواقع بتحدد طريقنا في الحياة حقيقية ( انا اؤمن تماما بان كل شيء مقدر ) يعني هل احنا محتاجين للحب مثلا كل الحاجة دي لدرجة ان جميع انتاجنا الغنائي مثلا بيتكلم عن الحب و تلات ارباع الصور الشخصية علي الفيس بوك صور رومانسية و لا الحقيقة ان الحب دة هو الحاجة اللي بنصبر نفسنا بيها لحد ما ندخل في مرحلة تانية من حياتنا ؟ هل احنا شايفين ان الحب هو المخلص من اوقات الفراغ ؟

طب تحب اقولها لك بشكل اوضح اكتر .. هل في حب بين الرجل و المرأة اصلا و لا كل طرف عاوز التاني لمجرد الاحساس بالثقة .. انا راجل و كبرت و في بنات معجبة بي كمان و دة دليل علي اني متميز عن غيري من الناس اللي مش معجبة بيهم واحدة؟

يمكن يكون من الادلة علي وهمية الحب هي ان الواحد ممكن يكون بيحب في قصة حب و في نفس الوقت بيفرح بكلام الثناء و المديح اللي بيلاقيه من بنات تانيين , لا و يفكر فيهم كمان طب لية ؟؟

عشان البنت اللي مدحته ادته اللي هو محتاجه  الثقة …

المشكلة الحقيقية اننا لما بتغيب عننا حاجة لفترة و نسمع كلمة عنها بنخليها كلمة و نص و نديها لواحد تاني يخليها كلمتين و تالت تلات كلمات لحد ما توصل لمسكين و هي قد الفيل و ما يلاقيش قدامه اي حل الا انه يصدق الوهم اللي مصدقينه كل اللي حواليه

انا مش عامل البوست برضة عشان اتكلم عن الحب انا اخدت دة كمثال … هل الحاجات اللي بنشعر بيها اصلا حقيقية و لا احنا اللي بنوهم نفسنا ؟؟

ازاي يا عم اومال فين الاخلاص في الحب ؟

الاخلاص في الحب ما هو الا احساس بيمنعك انك تعمل الغلط ( اللي هو الخيانة ) زي ما بالظبط بيمنعك بتمنعك امانتك انك تسرق انما انت مش بتخلص عشان بتحب … للاسف احنا بنخلص عشان ما يبقاش شكلنا وحش قدام نفسنا .. حاجة زي الضمير كدا

في المحصلة كلامي طبعا ممكن يكون غلط في غلط و لكن دي خلاصة تجربة طويلة و تفكير كتير انا اول واحد يتمني انه ما يكونش صحيح لان بكدا الدنيا حوالينا هاتبقي مادية جدااا .. انا باعمل كذا عشان كذا و لو المقابل راح هابطل اعمل

النهار دة  و انا باذاكر التصميم المنطقي لاخر مرة قبل الميد تيرم حاولت افهم لية الطرح ماشى كدة ..  و  الحمد لله وصلت لنتيجة فعلا .. و فهمت بالظبط لية الطرح بالمكمل بيبقي دة اسلوبه .

شرح الاكاديمية :-

هانطرح عدد من عدد لو طلع فى كاري يبقي ناتج الطرح هو العدد اللى طلع من غير الكاري , لو ماطلعش فى كاري يبقي الناتج هو المكمل الثانى للعدد اللى طلع و اشارته تبقي سالبة .. كلام جميل .. لكن لية ؟

تفصيل الكلام :-

أولا : موضوع المكمل الثانى :-

كل نظام عد فى الدنيا له مكملين – اللى نعرفه حتى الان !! – مكمل باعلى رقم فيه و مكمل تانى هى عبارة عن قاعدة النظام دة , يبقي معنى كدا ان نظام العد العشري له مكملين , مكمل 9 و مكمل 10 و نظام العد الثمانى له مكملين , مكمل 7 ومكمل 8 , و نظام العد الست عشري له مكملين هما ال15 و ال16 .

المكمل اللى باعلي رقم فى النظام لرقم ما فى هذا النظام هو ناتج طرح كل digit

فى الرقم دة منه , بمعنى ان مكمل العدد العشري 567 هو 432 و مكمل العدد الثنائي 01010 هو 10101

و مكمل العدد الثمانى 567 هو العدد الثمانى 321

لاحظ ان فى المثال الاول بتاع العشري المكمل هايبقي اسمه المكمل التاسع و فى مثال الثنائى هايبقي المكمل اسمه المكمل الاول و فى مثال الثمانى هايبقي المكمل اسمه المكمل السابع يعني دايما اسم المكمل دة بيبقي اقل من قاعدة النظام بواحد .

أما المكمل اللى اسمه هو رقم قاعدة النظام : هو عبارة عن المكمل اللى شرحناه فوق دة و نجمع عليه 1

بمعنى

المكمل الثانى للعدد الثنائي 0110 هو 1001 + 1 يعني هو 1010

المكمل الثامن للعدد الثماني 731 هو 046+1 يعني هو 047

المكمل العاشر للعدد العشري 187 هو 812 +1 يعني هو 813

المكمل السادس عشر للعدد الست عشري 492 هو B6D +1 = B6E

ثانيا : موضوع الطرح فى جميع الأنظمة :-

فى جميع الأنظمة يوجدالطرح طريقتين للطرح : الطرح بالاستلاف و الطرح بالمكمل ( طبعا اضافة للطريقة المباشرة اللى كلنا عارفينها !! ) بالنسبة لطريقة الاستلاف بنلاحظ الاتى :-

1- يتم الاستلاف فقط اذا كان المطروح اكبر من المطروح منه فا هنا باظطر  لانى استلف من الخانة المجاورة قيمة  = 1*قيمة قاعدة النظام لذلك

الاستلاف في النظام الثنائى =2

الاستلاف في النظام الثمانى  = 8

الاستلاف في النظام العشري = 10

الاستلاف في النظام الست عشري = 16

ثانيا : طريقة الطرح بالمكمل ( المكمل اللى بيساوي قاعدة النظام ) :-

الطرح عموما له احتمال من اتنين : الأول ان المطروح يبقي أصغر من المطروح منه و الثاني هو ان المطروح يكون أكبر من المطروح منه و بالتالي هايبقي هنا الناتج سالب كالتالي :-

نتيجة الطرح العشري 17-5 نتيجة موجبة و بتساوي 12

بينما نتيجة الطرح الثنائى 10 – 11 سالبة وبتساوي -01

الطريقة بتنص على حساب المكمل للمطروح وجمعه على المطروح منه فى كلتا الحالتين يعني لو عندى مسألة زي دي

100111 – 110111

المكمل الثانى للمطروح هو 001000+1 يعني هايساوي 001001

اذا ناتج مسالة الطرح 100111 – 110111 هايساوي 100111+ 001001

فى الحالة دى مش هايطلع فى كاري أبدا و السبب فى كدا ان مكمل العدد المطروح ( اللى هو الاكبر ) اصغر من مكمل العدد المطروح منه .. فبالتالى مجموع عدد + عدد تانى اصغر من مكمله مش هايزود أي خانات جديدة يعني الناتج هايفضل ست خانات

أما لو كان المطروح أصغر من المطروح منه فا هنا مكمل المطروح هايبقي أكبر من مكمل المطروح منه و لما نجمعهم على بعض لازم يكون في كارى اللى هو هايتمثل فى زيادة خانة فى الناتج .. يعني الناتج هايكون سبع خانات مش ستة و فى الحالة دى انا هاخد الناتج من غير الرقم اللى فى الخانة الزيادة

ممكن نوضح دة بمثال بالنظام العشري

احسب ناتج 19-20 طبعا دى هاتتطلع بواحد بس عاوزين نعملها بطريقة المكمل وبالتفصيل

الخطوة الأولي : مكمل  المطروح –> يعني مكمل الـ19 و اللى هايساوي 81+1 = 82 ( دة المكمل العاشر اللى بيساوي اصلا المكمل التاسع + 1 ) ركز !!

الخطوة التانية : الجمع –> نجمع المكمل العاشر للمطروح على المطروح منه يعني 19+82

و هنا المفروض يطلع رقم فيه كاري نقوم نحذف الكاري يبقي الباقي هو ناتج الطرح !!

19+82 = 101

و بعد حذف الكاري اللى هو الواحد اللى فى خانة المئات طبعا يبقي الحل هو 01

انتهى !!

أردت ان اطرح اليوم سؤالا عن ماهية السلام العادل الذى يرضون به لحل قضية فلسطين العربية و ما حقوقنا نحن العرب فى فلسطين لان هناك الكثيرين ممن لا يعلمون حقوقنا و ما يجب ان يكون لنا منها .

منذ أن فتح الله القدس على يدي أمير المؤمنين عمر بن الخطاب – رضي الله عنه – و ظلت هذه الأرض تحمل أغلبية اسلامية ما  جاز أبدا التخلي عنها لأى سبب باعتبارها أرضا اسلامية خالصة جاهد اسلافنا لفتحها و فتحوها فهي مثل الأمانة – بل هذه كذلك – لا يجوز لأى مسلم التفريط فيها , مرت الأيام وجاء الصليبيون و حاربونا لقرون بل و احتلوها لقرون و لكن ما الفرق بين المسلمين فى عهد الحملات الصليبية والمسلمين الان ؟ لقد جاهد المسلمون حينها لمئات السنيين و لما تتفتق أذهانهم عن الفكرة الجهنمية التى خطرت للعرب فى أيامنا و هى فكرة ( الاستسهال )  فكرة ( الواقعية ) أو قل فكرة ( الاستكانة ) و التى طبقها العرب بقيادة الزعيم المؤمن الذي اعترف باسرائيل دولة شرعية لها الحق فى الوجود والحياة الامنة جنبا الى جنب مع مصر أكبر دولة عربية .

السلام الذى نرتضيه  :-

يجب أن يقر الجميع بأن السلام الذى نرتضيه ليس هوحل الدولتين أو حتى حل الدولة الواحدة كما يقترح الأخ العقيد انما هو عودة الأمور لما كانت عليه قبل قيام دولة اسرائيل ( غير الشرعية ) مهما تطلب ذلك من مجهود – و هو فعلا سيتطلب تغيير كامل لتعاملنا نحن العرب و بالأخص مصر  مع الكيان السرطاني – و فى التاريخ غير البعيد تجربة مميزة للزعيم جمال عبد الناصر الذى و فعلا أحكم الحصار على هذا السرطان فلم تكن هناك سفارات لاسرائيل فى أى من الدول الأفريقية – قدتكون هناك دولة أو اثنتين مستثناتين – و كذلك الدول التى تتمتع بعلاقات طيبة مع مصر مثل دول عدم الانحياز ناهيك و بالتأكيد عن المقاطعة العربية الشاملة للكيان السرطاني و يقين من الجميع رسخته وسائل الاعلام بأن فلسطين هى فلسطين من النهر للبحر  .

أنا لا اكتب اليوم دفاعا عن عهد ناصر فأنا لا انفي مساوىء هذا العهد و انما فقط اسرد التجربة

الأكاذيب التى صدقناها:-

كثيرا ما اسمع من العامة كلاما ينم عن شيء من عدم الالمام بتاريخ القضية الفلسطينية , فهناك من الناس كثير ممن يؤمنون ان دولة الاحتلال قائمة على اراض اشتراها اليهود كلها من سكان فلسطين و لكن الحقيقة ان اليهود اشتروا فقط 6% من الارض التى اعطاها لهم قرار التقسيم – غير الشرعي – و حتى اذا كانوا اشتروا اكثر من ذلك فان المنطق السليم بل و أي انسان سوي يستطيع ان يدرك بسهولة ان الشراء – شراء اي شيء – فى بلد ما يخضع بالكامل لقوانين هذه البلد , فلا يجوز مثلا ان اذهب و اشتري 100 فدان فى اوغندا و اقول هذه دولتي !!

للأسف فهناك حتى من طلبة الجامعات كثيرا قابلتهم و كانوا يصدقوا تلك الأكاذيب , اتمنى ان يكون كلامي مقنع بعض الشيء و باذن الله للحديث بقية

مبدئيا فى هذا المقال سأفترض ان من قام بالاعمال الارهابية فى العالم – و التى نسبت للقاعدة – هى القاعدة فعلا – مع وجود أدلة على غير ذلك !! – ولكن لنقل كذا

فى هذا المقال سنتطرق لقضايا اعتقد انها غائبة عن مجموعة كبيرة من الناس – استشفيت ذلك من كلامي مع الناس – مثل الشرعية , و اقصد شرعية الدول وشرعية الجهاد

القاعدة حركة ارهابية لماذا ؟

قامت القاعدة – حسب الافتراض – بعديد من العلميات الارهابية سنتكلم منها عما وقع خارج الدول الاسلامية – لانه و بطبيعة الحال فما حدث داخل دول اسلامية لا يحتاج لكلام يجرمه  - أشهر هذه العمليات الارهابية هى هجمات 11 سبتمبر حيث قتل و جرح الالاف من الابرياء و المدنيين .

لماذا يعد هذا ارهابا رغم ان امريكا تقتل المدنيين فى العراق و باكستان و تدعم القتلة فى اسرائيل و الذين يقتلون بدم بارد فى احيان كثيرة ؟ الاجابة على هذا السؤال : لان من قتلوا ليس لهم ذنب فالاطفال الذين قتلوا فى البرجين و النساء و حتى الشباب لم يقتلوا المسلمين و لم يذهبوا لديار الاسلام محاربين فلم قتلوا ؟

و لكن امريكا دولة ديموقراطية , نعم و لكن هل قام الارهابيون بعمل استطلاع راي للاشخاص بداخل البرجين هل هم موافقون على قتل المسلمين ام لا ؟ هل لهؤلاء الناس ذنب فى اجرام اناس اخرين ؟ الانتقام يا سادة يكون من القاتل فمثل هذا العمل يماثل الثأر تماما حيث يقتل الاب شخصا فيقتل اهل القتيل ابن القاتل او اخيه .. هل هذا يجوز ؟

حماس ايضا تقتل مدنيين فلماذا يعدون ابطالا ؟

الوضع يختلف مع حماس فأرض فلسطين من النهر للبحر اسلامية عربية خالصة يحترم فيها اصحاب الملل الأخري تمام الاحترام و لهم حقوقهم التى لا ننكرها ولا نستطيع انكارها و قد طرأ على هذه الأرض جماعات اسموا انفسهم يهودا و احتلوها و هجروا منها اهلها بقوة السلاح  لذا فقد اصحبت هذه الارض الاسلامية محتلة و وجب على اهلها الدفاع عنها و اذا لم يكونوا كفاية للدفاع عنها فقد وجب الدفاع و الجهاد على كل مسلم .

اذا فالمجرم فى حالة امريكا هو الجندى الامريكي و كل معتد على الارض الاسلامية من العسكريين و معاونيهم اما فى حالة اسرائيل فان كل شخص غير عربي بداخل ما يسمي باسرائيل هو مجرم لانه يمارس جريمة الاحتلال و التى عقابها القتل حربا .

]]> http://theoneteenth.wordpress.com/2009/10/20/%d9%85%d8%a7-%d8%a7%d9%84%d9%81%d8%b1%d9%82-%d8%a8%d9%8a%d9%86-%d8%ad%d9%85%d8%a7%d8%b3-%d9%88-%d8%a7%d9%84%d9%82%d8%a7%d8%b9%d8%af%d8%a9-%d8%9f/feed/ 0 3m masr http://theoneteenth.wordpress.com/2009/10/19/%d8%b1%d8%b3%d8%a7%d9%84%d8%a9-%d9%85%d9%86-%d8%a7%d9%84%d9%81%d9%8a%d8%b3-%d8%a8%d9%88%d9%83/ http://theoneteenth.wordpress.com/2009/10/19/%d8%b1%d8%b3%d8%a7%d9%84%d8%a9-%d9%85%d9%86-%d8%a7%d9%84%d9%81%d9%8a%d8%b3-%d8%a8%d9%88%d9%83/#comments Mon, 19 Oct 2009 16:21:31 +0000 3m masr http://theoneteenth.wordpress.com/?p=10 ]]> السلام عليكم ورحمة الله وبركاته

اليوم وصلتنى رسالة متميزة من جروب شباب ضد التطبيع كتبت هذه الرسالة طالبة عربية لبنانية فى لندن تسرد فيه موقفين لها مع اسرائيليين اعتقد انهما مفيدان حقا

لندن – ملاك وحيد خالد

أنت مقتنع تماماً أنك لا تعادي اليهودية ولا اليهود الذين يعيشون خارج فلسطين. حين تقيم في أوروبا، تتوقع دائماً أن لا تلتقي بيهود فقط، بل بإسرائيليين أيضاً قصدوا تلك البلاد لأسباب قد تشبه أسبابك: دراسة، فرص عمل، أو سياحة. تحلّ المعضلة بينك وبين نفسك، متعهداً بأنك لن تتعاطى معهم حتى تنهي ما أنت هنا لأجله.
لكن الأمور ليست بهذه البساطة في الواقع. فحين تتوقف في صيدلية وتسأل عن مستحضر يمكنك استخدامه كي لا تتخشب بشرتك من برودة هذا الطقس، وتدعوك الصبية بلكنة إنكليزية ممتازة لتجريب نوع من البحر الميت لأنه «مصنوع من مواد طبيعية، أكد جودتها أفضل خبراء التجميل في إسرائيل»، ستكتشف مدى تعقيدها.
ترى أي خبراء تجميل تقصد؟ أولئك المعنيون بتغيير وجه الاحتلال والحفاظ على صورة الصهيونية النقية من شوائب العرب؟ أم أولئك المسؤولون عن طمس الهوية والتاريخ وعن مصادرة الحق والغد والأرض؟
سألت الصبية التي كانت قبل قليل تمسك يدي وتضع عليها المستحضر: «هل أنت من هناك؟»، بصوت يأتي من بئر ملؤها الجماجم وشواهد الأضرحة وأطلال البيوت المدمرة. «نعم، أنا من إسرائيل»، قالت، لأجيبها بإصرار: «تقصدين أنك عشت في فلسطين المحتلة؟»، أمام إصراري، لم تملك سوى أن تقول: «مهما يكن، سمّها كما تشائين. أصلاً أنا من إسبانيا، لكن عائلتي هاجرت إلى هناك». لملمت نفسي وغضبي التاريخي المتراكم وقذفت بوجهها جملة واحدة قبل أن أغادر: «أنا من لبنان، جنوب لبنان، وعائلتي هُجّرت من فلسطين لتهاجر عائلتك أنتِ إليها». لا أدري كيف قادتني الطريق إلى سكني، والحيرة تتآكلني: «هل تصرفت تصرّفاً صحيحاً؟ هل كان عليَّ أن أنسحب دون أي كلمة؟».
ليلتها، وأنا أتناول عشائي في مطعم الجامعة، جلس قبالتي شاب كان من الممكن أن أتجاذب معه أطراف الحديث كأي طالبين يلتقيان في الجامعة، إلا أن ذلك لم يكن ممكناً. فقد كان يرتدي قميصاً عليه نجمة داوود وكتابة عبرية. بالنسبة إلى الآخرين، كان مجرد طالب آخر، أما بالنسبة إليّ فقد كنت أرى دماء أطفال غزة وقانا ومروحين ودير ياسين تسيل من ضحكته.
لم أرتجف حين شعرت بقلبي قطعة من الخشب تنبض باليقين: ليس من منطق سوى أن نكون أو أن يكونوا. أما التسامح وثقافة السلام والحوار، فكله مستحيل.
منذ ذلك اليوم الذي كانت لشمسه شكل نجمة داوود فوق رأسي، وأنا أسير متلحّفة بكوفية «بيضاء وسوداء»، تماماً كما هي معادلات الحياة الأوضح. هكذا أعلن لهم أنني لست عقلانية ولا منطقية ولا محايدة: ما زالوا أعداء، وما زلنا نحن وهم على ضفتين لا تلتقيان ولا جسر يربطهما.
أنا منحازة وعنصرية وخشبية الأفكار واللغة، وذلك حتى إشعار آخر، حتى تموت فيّ أغنية تبشّر أننا «نرجع بعد قليل»

و لنا ان شاء الله عود فى قضية السلام و التطبيع قريبا !

دى اول تدوينة لى فى حياتى على فكرة !

تابعنا فى الأخبار الكلام الـ… اللى قاله الرئيس الفلسطيني ( المنتهية ولايته ) و طبعا مش هو لوحده  , لا هو و اتباعه طبعا و اللى بيكرروا الكلام وراه المهم انا عاوز اسال شوية اسئلة

السؤال الأول ( اجباري) : لية دلوقتى يا عبس ؟

يا جماعة كل الناس تفتكر الصورة دى طبعا

عباس بيه كان بيسلم على الحاج اولمرت و يبوسه فى حين قال كلامه الشهير عن حماس و من اقواله المأثورة :-

1- لن نتحاور مع الظلاميين .

2- صورايخ حماس عبثية .

طيب يا عبس لية دلوقتى بتتحاور  مع الظلاميين و رجعت تقول احنا عاوزين مصالحة و انتم بتتذرعوا بتقرير جولدستون عشان ماتوقعوش ؟؟

الاجابة

الاخ عبس بقا يا جماعة بعد فضيحة بيع دم الشهداء عشان شركة الاتصالات بتاعت المحروس ابنه و عشان التسجيلات المشينة اللى كانواماسكينها عليه لما لقى الدنيا كلها اتقلبت عليه اضطر يرضخ و يقول يللا نتصالح  مع انه كان مطير النوم من عنين الجماعة المطيباتيه اللى فى مصر و مش عاجبه العجب ولا الصيام فى رجب .

عبس اتغير عشان ربنا فضحه و عاوز يشوش على موضوع التقرير … يا عبس لا حماس ولا الجهاد ولا غيرهم يقدر يوقع معاك حاجة دلوقتى و الا يبقي مشاركك فى جريمتك … انت لازم تتحاكم يا عبس و لازم تتعمل لجنة تقصي حقائق وتعرف العالم كله اية حقيقة موضوع الانقلاب و ناس تحاسبك على كلامك بتهمة تضليل الرأى العام .. امثالك يا عبس المفروض يتحكم عليهم بالاعدام رميا بالأحذية و و الله هاتلاقى ناس كتير قوي يحدفوا .

السؤال الثانى ( اجباري ) : حماس لها اجندات خارجية ازاى يا عبس ؟

عبس بقا يا جماعة بيستخدم خير وسيلة للدفاع و عاوز يلصق بحماس التهمة اللى كل الناس مثبتاها عليه .. الاخ عبس بيتهم حماس بانها ايرانية ( عجبي ) .. يا عبس انا لو بلدي محتلة و الهند بتعاوننى هاحب الهند لو الكنغو ساعدتنى هاحب الكونغو بس فى الاول و فى الاخر انا لبلدى و دول ادوات .. روح شوف انت بقا انت بتشتغل لاجندة مين ؟

السؤال الثالث ( برضة اجباري ) : هل تريد  حقا دخول حماس انتخابات من جديد ؟

قال عبس : يا حماس تعالى ادخلى انتخابات و خلى الشعب يقول كلمته و بطلوا  ظلامية بقا – كلام سليم – طب ما هى حماس دخلت انتخابات و طيرتك كانت اية النتيجة ؟ اعتقالاتك لاعضاء حماس و معاداتها والتخطيط للانقلاب عليها مما خلف انفراد حماس بغزة .. و اسال التسجيلات اللى عليك انت و رجالتك

يا جماعة دة رابط من جريدة يا ريت تقروه كلكم

http://www.assawsana.com/home.asp?mode=more&NewsID=31041&CatID=6

و الرابط دة من موسوعة بيض بيديا

http://beidipedia.wikia.com/wiki/%D9%85%D8%AD%D9%85%D9%88%D8%AF_%D8%B9%D8%A8%D8%A7%D8%B3#.D8.B5.D8.B1.D8.A7.D8.B9.D9.87_.D9.85.D8.B9_.D8.AD.D9.85.D8.A7.D8.B3